ന്യൂഡൽഹി: കഴിഞ്ഞ ദിവസം ന്യൂഡൽഹിയിൽ സമാപിച്ച ’ഇന്ത്യ എഐ ഇംപാക്ട് സമ്മിറ്റ്’ സാങ്കേതിക ലോകത്തിന് നൽകിയത് ആർട്ടിഫിഷൽ ഇന്റലിജൻസിന്റെ പ്രായോഗികമായ ഒരു പുതിയ മുഖമാണ്. സാധാരണ ഉപഭോക്താക്കളുടെ നിത്യജീവിതത്തിലേക്ക് അതിനെ എങ്ങനെ ലളിതമായി ഇണക്കിച്ചേർക്കാം എന്നതായിരുന്നു റിലയൻസ് ജിയോയുടെ പവലിയൻ കാണിച്ചുതന്നത്.
കൂടുതൽ വ്യക്തിഗതമായ രീതിയിൽ ഫാഷൻ, സൗന്ദര്യം, സാങ്കേതികവിദ്യ എന്നിവയെ സമന്വയിപ്പിച്ച് ഒരു അത്യാധുനിക ‘ഡാറ്റാ അധിഷ്ഠിത റീട്ടെയിൽ അനുഭവം’ സൃഷ്ടിക്കുകയായിരുന്നു ജിയോ.
ഫാഷൻ ഇനി അളന്നുകുറിക്കാം
ജിയോ അവതരിപ്പിച്ച ’യുവർ ഇന്റലിജന്റ് വാർഡ്രോബ്’ (Your Intelligent Wardrobe) എന്ന സംവിധാനത്തിലൂടെ അനാവശ്യമായ പുതിയ വാങ്ങലുകൾ ഒഴിവാക്കി, നിലവിലുള്ള വസ്ത്രങ്ങളെ എങ്ങനെ ഏറ്റവും മികച്ച രീതിയിൽ ഉപയോഗിക്കാം എന്ന് ഉപഭോക്താക്കൾക്ക് മനസിലാക്കാം. ഉപഭോക്താക്കൾക്ക് സ്വന്തം വസ്ത്രങ്ങളുടെ ചിത്രങ്ങൾ അപ്ലോഡ് ചെയ്ത് ലളിതമായി ഒരു ഡിജിറ്റൽ ശേഖരം നിർമിക്കാവുന്ന വെർച്വൽ കാറ്റലോഗ് നിർമാണം, വസ്ത്രങ്ങൾ ഉപയോഗിക്കുന്ന രീതി ട്രാക്ക് ചെയ്യാനും അധികം ഉപയോഗിക്കാത്തവ തിരിച്ചറിയാനും ശേഖരത്തിലെ കുറവുകൾ കണ്ടെത്തി മികച്ച പർച്ചേസ് ഗൈഡായി പ്രവർത്തിക്കാനും സഹായിക്കുന്ന വാർഡ്രോബ് ഇൻസൈറ്റുകൾ, ലഭ്യമായ വസ്ത്രങ്ങൾ ഉപയോഗിച്ച് തന്നെ വ്യത്യസ്തമായ കോന്പിനേഷനുകൾ എഐ നിർദേശിക്കുന്നതിലൂടെ പുതിയ വസ്ത്രങ്ങൾ വാങ്ങാനുള്ള അനാവശ്യ പ്രവണത കുറയ്ക്കുന്ന എഐ സ്റ്റൈലിസ്റ്റ് മിക്സ് ആൻഡ് മാച്ച് ടൂൾ, ഒൗട്ട്ഫിറ്റ് കലണ്ടർ, ലുക്ക്ബുക്കുകൾ എന്നിവ വഴി ഓരോ ദിവസത്തേയും വസ്ത്രധാരണം മുൻകൂട്ടി പ്ലാൻ ചെയ്യാൻ സാധിക്കുന്ന പ്ലാനിംഗ് ടൂളുകൾ എന്നിവയെല്ലാം ഇതിന്റെ സവിശേഷതകളാണ്.
ഇത്തരത്തിലുള്ള ഡാറ്റാ അധിഷ്ഠിത ഇടപെടലുകൾ ഉപഭോക്താക്കളെ ’സുസ്ഥിര ഫാഷൻ’ (Sustainable Fashion)’ബോധപൂർവമായ ഉപഭോഗം’ (Conscious Consumption)എന്നീ രീതികളിലേക്ക് നയിക്കുന്നു.
ചർമസംരക്ഷണ സാങ്കേതികവിദ്യ
ചർമസംരക്ഷണത്തിലെ വിപ്ലവമാകുന്നതാണ് എഐ സ്കിൻ അനാലിസിസ്. പരന്പരാഗതമായി സൗന്ദര്യവർധക ഉത്പന്നങ്ങൾ തെരഞ്ഞെടുക്കാൻ ഉപയോഗിച്ചിരുന്ന ’ബ്യൂട്ടി ക്വിസുകൾ’ പലപ്പോഴും വ്യക്തിഗത പോരായ്മകൾ ഉള്ളവയായിരുന്നു. എന്നാൽ, ചിത്രങ്ങൾ വിശകലനം ചെയ്തുകൊണ്ടുള്ള തത്സമയ റിപ്പോർട്ടുകൾ ചർമത്തിന്റെ യഥാർഥ അവസ്ഥ കണ്ടെത്താൻ സഹായിക്കുന്നു. ഇത് ഉത്പന്നങ്ങൾ തെരഞ്ഞെടുക്കുന്നതിലെ ആശയക്കുഴപ്പങ്ങൾ ഒഴിവാക്കി ഉപഭോക്താക്കൾക്ക് കൂടുതൽ കൃത്യത നൽകുന്നു.
ജിയോയുടെ എഐ സ്കിൻ അനാലിസിസ് ടൂളിന്റെ സാങ്കേതികമികവിൽ മുഖക്കുരു, ചുളിവുകൾ തുടങ്ങി 14-ലധികം ഘടകങ്ങൾ കൃത്യതയോടെ പരിശോധിക്കപ്പെടുന്നു. സ്കിൻ ജിപിടി എന്ന സവിശേഷ എഐ സംവിധാനവുമുണ്ട്. ചർമസംരക്ഷണവുമായി ബന്ധപ്പെട്ട തുടർചോദ്യങ്ങൾക്ക് മറുപടി നൽകുന്ന സ്പെഷലൈസ്ഡ് എൽഎൽഎം അധിഷ്ഠിത ചാറ്റ്ബോട്ടാണിത്.
വ്യക്തിഗത ഉത്പന്ന നിർദേശങ്ങളും ലഭ്യമാകും. ചർമത്തെക്കുറിച്ചുള്ള വിവരങ്ങൾ വിശകലനം ചെയ്യാനും തുടർനടപടികൾ ആസൂത്രണം ചെയ്യാനും ഉപഭോക്താക്കളെ സഹായിക്കുന്ന ഒരു അനലിറ്റിക്സ് ഡാഷ്ബോർഡും ഇതിന്റെ ഭാഗമാണ്.
Deepika
E-paper LOGIN
LOGIN